نحبّك -مريم العايب 

img
تونسيّة 0 admin الوسوم:,

( النص باللّهجة التونسيّة)

نحبك ، لاني خايفة ولا مترددة،نحبك ونعرف الي كلمة نحبك متعبرش علي حبك،نحبك ونزيد نحبك،مع كل طلوع نهار جديد،مع كل تبسيمة،فرحة،وتفرهيدة ديما تلقاني نحبك،انت الي بيك فهمت حروف كلمة نحبك،والي معاك تلقاني نفرح اول مانسمع منك كلمة نحبك…الكلمة الي اول مانراك نحب نسمعهامنك ،نبدي بيها نهاري ونوفيه،مااحلاها الكلمة،كلمة قوية تربطك بيا وتربطني بيك،تلقاني نفرح من عينيا اول مانسمع ها الكلمة منك،نطير بيها لبعيد،نجنح،تخليني كيف العصفور الي لا يكل ولا يمل،ديما عامل جو وهو في السماء يجنح،نحبك،كلمة تلخص الي حبيت نحكيه،حسيتو،و الي نتمني فيه،اي نعم،انا نحبك،كلمة بسيطة اما تخبي معاني كبيرة،تخبي برشا محبة،ومع كل ضحكة،غزرة،والا تعنيقة تلقاني نزيد نحبك…قداش مواتيتك الكلمة،مفصلة علي قياسك،وانا نغير منها خاطرها تواتيك،نحبك قد ماتواتيك الكلمة وقد محبتك للبحر،للشمس،للقمرة وللنجمة،نحبك،قد الدنيا ومافيها ،قد الي عاش وياما تمني يجي نهار ويجرب الحب،قد الي تعذب،الي تجرح،وكمل،قد الضحكات،الكلمات،قد محواسنا مبعضنا،قد الفرحة الي نحس فيها كيف نبدي معاك،قد هبالنا،قد قربك وبعدك ساعات،نحبك،قد مرجي ومرجك،قد حكاياتك،قد تعبك،قد محبتك للناس ،قد طيبتك،صراحتك وعفويتك،قد محبتك للقطاطس،وقد خوفي منهم،قد كلامك وانا عندك،قد غزراتك ليا كيف نبدي في فرشك،قد صوتك الحلو،كلامك،وحتي غناياتك،نحبك ونزيد نحبك،قد تشبشيبت شعري وشعرك،قد محبتك لأمك،قد خوفك عليا،قد السوايع الي سرقناهم من الدنيا،وقد السوايع الي تسرقت منا،قد الدنيا ومافيها،بالباهي وبالخايب الي فيها،قد مانحكي عليك في حضورك وفي غيابك،قد ماتوسع معايا بالك،قد بهاوتك،زينك ودلالك…قد هاذكم الكل تلقاني نحبك ونزيد نحبك ..

Facebook Comments

الكاتب admin

admin

مواضيع متعلقة

اترك رداً

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.