حوار بين القاضي ومنصف الهوايدي “بائع الهندي المثقف”

img
حوار بين القاضي ومنصف الهوايدي “بائع الهندي المثقف”
شعر: مختار العليبي
القاضي:
يا منصف اقف و تسنتر
و ما تعملشي فيها عنتر
هاهي معطياتك عندي
و تقول الّي انت مخطر
فافعالك ظالم متعدي
و اعوان الحاكم ما تقدر
و قالولي انك متحدي
و بمزايا الحكومة تكفر
لازم تتادب يا ولدي
و باب الحبس عليك يتسكر .
منصف هوايدي:
اسمحلي يا سيدي القاضي
و كان ممكن خليني نعبّر
وضعي مستعصي و متردي
و ما تسمعنيشي نتذمر
واعي مليح و عارف حدّي
و عندي فكرة علّي مسطر
نا نخدم بياع الهندي
و اعوانك يحبوه مقشر
هوما ما عجبهمشي ردي
و نايا في حقي ما نوخر
كيفي كيف بابا كيف جدي
بايديهم هزمو المستعمر
و هاذوما بنياتي و ولدي
على خاطرهم. دمي يقطر
**
Facebook Comments

الكاتب admin

admin

مواضيع متعلقة

اترك رداً

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.