توحشتك- الشّاعر محمد الحفيان

img
توحشتك والليل ظلام..
الدمعة مزروعة ع الخد..
توحشتك طالو الايام..
و انا في الايام نعد..
ياما ليالي نستناك…
تذكرتك فيا حطيتك..
و تعشڨنا و تحكينا…
ضحكنا و في لحظات بكينا…
و نسيت الوحشة و ضميتك..
وتعلت بينا حكايات..
و في الفرش الفارغ حسيتك…
و تحسست كفوف ايديك..
و في وسط ضلوعي دفيتك…
لكن كيف طوال الليل..
ضيعتك مني ما لقيتك..
و في ابعد نجمة منسية..
خبيت الحب و خبيتك..
توحشتك اكثر م الليل..
و الظلمة اللي تسكن فيه..
توحشتك يا نجم سهيل..
و نبض الشاعر و غناويه..
غيابك فوڨ الخد يسيل..
و الدمعات تصبر فيه..
غيابك مثل صهيل الخيل..
و صوتي لا من يسمع فيه..
و في غيابك ها الجسم عليل..
و انت الروح اللي تداويه..
أحلى فرحة..
أحلى غنوة و مواويل..
لتوا ما سمعهاشي حد..
يا وردة مع الريح تميل..
يا ربيعي اللي فيا امتدَ…
توحشتك و الليل ظلام..
الدمعة مزروعة ع الخد
توحشتك طالو الايام ..
و انا و في الأيام نعد..
Facebook Comments

الكاتب admin

admin

مواضيع متعلقة

اترك رداً

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.