الرئيسيّة » شعر » الشّاعر شاهين السّافي:مَا نيشْ مْسَامَحْ
شعر

الشّاعر شاهين السّافي:مَا نيشْ مْسَامَحْ

Share Button

—————

يا كُلْ غريبَهْ اسْمَعْنِي
غريبَتْنَا عَمْلتْ جوانَحْ
خايفْ يا غريبهْ تبْلَعْنِي
ونْوَلّي غريبْ وْمَا نْسَامَحْ
مْعَ ذلِكْ.. مَا نيشْ مْسَامَحْ

“سَامَحْ خلي يقولوا كريمْ
ماحْلاكْ تولّي متْسَامَحْ”

نْسَامَحْكم كي نولّي بهيمْ
هايمْ في زرع الله سَارَحْ
كَريمْ.. وْمانيشْ مسَامَحْ

“بلادكْ كيفْ بلادْ الغيرْ
فيهَا الصّالحْ فيهَا الطّالَحْ”

الصّالَحْ فيكمْ بنديرْ
يترقّصْ.. بَأسْيَادُو فَارَحْ
عْلى هَذَا ما نيشْ مْسَامَحْ

“حبْ الغيرْ وحلْ وثَاقَهْ
واحْجزْلِكْ في الجنّه مْطَارَحْ”

نحلفْ بجْدُودي الفلاّقَهْ
وبالحبْ الي فْ جَنّتْنَا فَايَحْ
في حقّي ما نيشْ مْسَامَحْ

انتمْ صوتْ الليلْ الدّاجي
وتصَاويرْ الهمْ اللاّيَحْ
كي نْوَلّي في بْلاَدِي لاجي
وتقولوا: يا وليدي سامحْ
يا بابا ما نيشْ مسَامَحْ

خنقتوهْ الشّعبْ المخنوقْ
واليومْ يشبّهْ للبارَحْ
برّه يعطيكمْ خازوقْ
واذهبْ لا يردّكْ يَا رايَحْ
هكّاكه.. ما نيشْ مْسَامَحْ

يا قاتل في شعبي الرّوحْ
وينكْ؟ في بلادي وين رايَحْ؟
شعبي رجعت فيه الرّوحْ
والواقفْ أكثرْ م الطّايَحْ
ويْقلّكْ: ما نيشْ مْسَامَحْ

أحنا الكثرهْ أوْلاد الثورهْ
تتجلّى في كلْ سوايَحْ
“الرّخْ لا”.. وْتْحِدْ النّبْرَهْ
وتولي في الثّورة جوانجْ
ما نرخّش.. ما نيشْ مسامحْ

———–
أبو جولان

Facebook Comments
Share Button

اضف تعليقا

انقر هنا للتعليق

تابعنا على الفيسبوك

Facebook By Weblizar Powered By Weblizar

حمّل تطبيق الموقع

https://i1.wp.com/www.intelligentsia.tn/wp-content/uploads/2017/08/Download-button-now.png?w=1320&ssl=1

تابعنا على تويتر

اشترك بالنشرة البريدية للموقع

أدخل بريدك الإلكتروني للإشتراك في هذا الموقع لتستقبل أحدث المواضيع من خلال البريد الإلكتروني.

انضم مع 18٬410 مشتركين