لا نحبك ولا نصبر عليك-مريم العايب 

img
Share Button

لا نحبك ولا نصبر عليك-مريم العايب 

(النصّ باللهجة التونسيّة)

حبيت نكتب حكاية مانجمتش،كلامي قاعد يطير ،نحاول نخلط عليه، نشدو،اما انا وين وهوا وين،طار لبعيد،وانا ماعنديش جوانح،كيفاش نجم نطير؟كنت قبل نكتب وكلامي يحكي كان عالحب عالعشاق المغرومين،نتخيل وخيالي يهزني لبعيد،ياما صورت تصاور عالحب قداش كانو مزيانين،عباد في العسل غارقين،قداش حبيت نعيش حكاية والاحتي حكايتين،نكون أكثر جراة ملي حب عندو سنين،وانا المعروفة الحشامة الي وجها يحمار في دقيقتين،قداش حبيت نكون الطفلة الصغرونة الي كيف تراك،تدخل بعضها،عينيها الي تلمع كان ليك،كيف تتكلم ،الحروف والكلمات يدخلو بعضهم ،تقولك جمل مش مفهومين،اما اكيد يحكيو عليك،حبيتك تسرح فيا ونسرح فيك،تري فيا الي عمرك ماريتو،وانا نري فيك حياتي الي نبداها ونوفاها فيك،نكون الي ديما تخمم فيها و الي تحكي عليها لداركم ،لاصحابك،لروحك كيف نغيب انا عليك،نحلم ونتمني،نخترعك في خيالي وبيك نعيش،لوقتاش باش تخليني نحلم ؟عيشني بيك ومع بعضنا سيبنا حالمين،خلينا نحلمو،واحنا فايقين وكان لزم واحنا راقدين ،المهم مابعضنا،مكملين،نكون الي كنت تلوج عليها وبيها تولي تعيش،الي تغششها وبكلمة ترضيها،تضحكها وعمرك لاتبكيها ،تحبها وتخاف عليها،عمرك ماتسلم فيها،تقلها برشا كلام في الصباح ومش في الليل،خاطر ساعات كلام الليل يكون كيف النزوة،حاجة تتقال وتتعدي ،لا هو مهم ولا احنا بيه مهتمين،قلي كلام عمرك ماحكيتو من قبل ،اخترعوا ،هاني نستني فيك،افرشلي ثنيتي ورد ميسالش كل ما تراني بوسني بوستين،قبلي انت كنت غريب اما اليوم ولي عندك هويتين، نحلم ،نتوحشك ونخمم فيك ،هاني نستني بالك تدعثر فيا وانا زادة نتدعثر فيك،اما خايفة كان نهار تبدلني،تنساني،بالك تقابل حب جديد،وقتها انا نضيع و تضعيني فيك ،كان بعدت والا نسيت،اكيد بش نتبدل عليك،ننساك معادش حتي انا نخمم فيك ..ماتحكيش عليا،لا بالشر ولا بالخير ،لا انت يهمك فيا ولا يهمني فيك ..ماترجعش …وانا مهماحاولت عمري مانسيت،..تخمامي ديما يهزني ليك ، خليتني بين البينين .لا انا نحبك ولا نجم نصبر عليك…

Facebook Comments
Share Button

الكاتب admin

admin

مواضيع متعلقة

اترك رداً